2016թ. հուլիսի լույս 16-ին Թուրքիայում տեղի ունեցած ռազմական հեղաշրջման անհաջող փորձից հետո Ադրբեջանի նախագահ Իլհամ Ալիևը նամակ է գրել Թուրքիայի նախագահ Ռեջեփ Թայիփ Էրդողանին։ Այս մասին տեղեկացնում է Trend լրատվական գործակալությունը։
Ալիևի նամակում մասնավորապես ասվում է. «Հարգելի պարոն նախագահ, թանկագին եղբայր, մեծ անհանգստությամբ և տագնապով հետևում էի պետական հեղաշրջման փորձին։ Դա սարսափելի հանցագործություն է, որը կատարվել է մի կողմից՝ Թուրքիայի պետականության, մյուս կողմից՝ թուրք ժողովրդի, նրա կամքի և ընտրության հանդեպ»։
Նախագահ Էրդողանին հասցեագրած իր նամակում Ալիևը ցավակցություն է հայտնել նաև զինվորական հեղաշրջման փորձի ժամանակ զոհվածների ընտանիքներին ու հարազատներին։
Կարդացեք նաև
