«Ռուսաստանի Ջավախքյան Սփյուռք» հասարակական կազմակերպության հայտարարություն-կոչը «Սասնա ծռեր» խմբի գործողությունների հետևանքով ստեղծված իրավիճակի վերաբերյալ
Արդեն մեկ շաբաթ է, որ ամբողջ հայության ուշադրությունը սևեռվել է Հայաստանում տեղի ունեցող իրադարձությունների վրա:
Մենք՝ «Ռուսաստանի Ջավախքյան Սփյուռք» հասարակական կազմակերպությունը, կոչ ենք անում ինչպես ՀՀ իշխանություններին, այնպես էլ «Սասնա Ծռեր» խմբին ինչքան հնարավոր է շուտ անցնել բանակցությունների՝ խուսափելով իրադրության սրումից և արյունահեղությունից:
Մենք հարգում ու խոնարհվում ենք Պավլիկի ու նրա ընկերների առջև, քանի որ նրանք ժամանակին կռվել են մեզ համար:
Կարդացեք նաև
Այսօր երկիրը բաժանված է երկու մասի: Մեր ամենամեծ ձեռքբերումն այն է, որ Հայաստանում բարձրացավ հայրենասեր, ուժեղ, հպարտ ու խելացի սերունդ: Այս սերունդը պաշտպանեց Արցախի սահմանները քառօրյա պատերազմի ժամանակ: Եվ ինչպես Մոնթեն է ասել. «Սերունդը պետք է դաստիարակել գաղափարներով, այլ ոչ թե բռնարարքներով»:
Ստեղծված իրավիճակը պետք է հաղթահարել ինտելեկտի, արդարության և զգոնության միջոցով: Այսօր պետք է հաղթի խոհեմությունը:
Ստեղծված իրավիճակին պետք է լուծում տրվի միմիայն խաղաղ ճանապարհով: Թշնամիներ չկան իրար դեմ կանգնած՝ բոլորս էլ հայեր ենք:
Այս պահին պահանջում ենք, խնդրում, հորդորում երկրի իշխանություններին հանգուցալուծում գտնել առանց բռնության և մարդկային կորուստների: Հանգուցալուծել պետականությանը չվնասող զիջումներով:
«Ռուսաստանի Ջավախքյան Սփյուռք» հասարակական կազմակերպության վարչություն