Հյուսիսատլանտյան դաշինքն ընդլայնել է իր ներկայությունը Թուրքիայում օդուժի և հակաօդային պաշտպանության ոլորտներում: Այս մասին Թուրքիայում հայտարարել է ՆԱՏՕ-ի գլխավոր քարտուղար Յենս Սթոլթենբերգը NTV հեռուստաալիքին տված հարցազրույցում:
Սթոլթենբերգը նշել է, որ Թուրքիայում հեղաշրջման փորձը չի ազդի այդ երկրի՝ ՆԱՏՕ-ին անդամակցության վրա:
«Կարծիք էր հնչում, որ Թուրքիայում հեղաշրջման փորձը կազդի ՆԱՏՕ-ին նրա անդամակցության վրա, բայց ես այդպես չեմ կարծում: Թուրքիան ՆԱՏՕ-ի համար շատ կարևոր դաշնակից է: Նրա բանակը հեղաշրջման փորձից հետո թերևս դժվարություններ ունի, բայց Թուրքիան շարունակում է կատարել իր պարտականությունները ՆԱՏՕ-ի շրջանակներում»,- ասել է Սթոլթենբերգը:
Պատրաստեց՝ Վիկտորյա ԱՆԴՐԵԱՍՅԱՆԸ