Սիրիայի իշխանությունները վերահսկողության տակ են վերցրել Հալեպի տարածքի ավելի քան 95 տոկոսը: Այս մասին ՏԱՍՍ գործակալությանը հայտնել են ռուսական Հակամարտող կողմերի հաշտեցման կենտրոնից:
«Վերջին օրերին սիրիական կառավարական բանակի կողմից ահաբեկիչներից ազատագրվել է Հալեպի արևելյան մասի ևս 3 թաղամաս (Շեյխ-Սայիդ, Քարիմ-Հում և ալ-Մակամադ): Այդպիսով, Սիրիայի իշխանությունները լիարժեք կերպով վերահսկում են Հալեպ քաղաքի տարածքի ավելի քան 95 տոկոսը»,- ասել են կենտրոնից:
Հաղորդվում է, որ Հալեպի՝ իշխանությունների վերահսկողության տակ անցած թաղամասերից դուրս է եկել 2215 զինյալ, որոնցից 2137-ին ներում է շնորհվել: Այս պահին Հալեպում ահաբեկիչների վերահսկողության տակ է մնում շուրջ 10 քառակուսի կմ տարածք:
Հալեպի ազատագրման գործողությունները սկսվել են 2016թ. նոյեմբերին: Ավելի վաղ Սիրիայի նախագահ Բաշար ալ-Ասադը հայտարարել էր, որ այդ քաղաքի ազատագրումը կարևոր նշանակություն կունենա, բայց դեռ պատերազմի ավարտ չի նշանակի:
Կարդացեք նաև
Պատրաստեց՝Վիկտորյա ԱՆԴՐԵԱՍՅԱՆԸ
