Բելգիայի Սահմանադրական դատարանի 12 դատավորներից մեկը՝ Ժան Պոլ Մոերմանը ներգրավված է եղել Ադրբեջանի կառավարության համար լոբբիստական գործունեության մեջ: Այս մասին գրում է բելգիական մամուլը:
Հաղորդվում է, որ Մոերմանը մի քանի առիթներով հրավիրվել է Ադրբեջան, որտեղ հանդես է եկել իշխանամետ դիրքորոշմամբ:
Նրա ճանապարհորդության և մնալու ծախսերը հոգացել է լիբերալներ Ստեֆ Գորիսի և Ալեն Դեստեքսի կողմից հիմնադրված «Ադրբեջանի հաղորդակցության գրասենյակը» (OCAZ), որը զբաղվում է Բաքվի կառավարության լոբբինգով:
Մոերմանը նաև որպես խորհրդատու է հանդես եկել ադրբեջանցի մի քաղաքական գործչի գրքի համար, որը Ադրբեջանի շուրջ վերջերս բարձրացած փողերի լվացման սկանդալի կենտրոնական ֆիգուրներից է:
Պատրաստեց Վիկտորյա ԱՆԴՐԵԱՍՅԱՆԸ
