ԱԻՆ հաղորդագրության համաձայն՝ սեպտեմբերի 27-ին, ժամը 06:13-ին ահազանգ է ստացվել, որ Երևան քաղաքի Հերացի փողոցում՝ թունելի մոտակայքում, տեղի է ունեցել ՃՏՊ՝ բեռնատարը շրջվել է, կա տուժած, առկա է վառելիքի արտահոսք. անհրաժեշտ է փրկարարների օգնությունը։
Դեպքի վայր են մեկնել երկու մարտական հաշվարկ և հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ նախնական տվյալներով «Volvo» մակնիշի 34 CO 003 պետհամարանիշի կցորդիչով բեռնատարը Հերացու և Կորյունի փողոցների խաչմերուկի մոտակայքում բախվել է թունելի պատին, ինչի հետևանքով վարորդ՝ 1972 թ. ծնված Ա. Ա.-ը տեղում զոհվել է:
Փրկարարները ավտոմեքենայից դուրս են բերել Ա.Ա.-ի դին:
«Լրագիրը» հաղորդում է, որ բեռնատարը սննդամթերք էր տեղափոխում, որը թափվել էր ճանապարհին: «Որ մի մեշոկ վերցնեմ, չի՞ կարելի: Մեկ է, բոլորը կրած տանում են», հարցնում է մի կին ու տանում պարկը:
Լուսանկարը՝ https://yerkirmedia.am-ի
