Aravot.am-ը իր ընթերցողներից հետաքրքրվել էր, թե ինչպես են վերաբերվում ընտանեկան բռնության կանխարգելման մասին օրենքի նախագծին:
Մասնակիցներին առաջարկել էինք պատասխանի 4 տարբերակ՝ «ջհուդամասոնական եւ գեյրոպայական կեղտոտ խարդավանք է` մեր հայու գենն ապականելու, հայ ընտանիքները քանդելու նպատակով», «ինձ չի հետաքրքրում ինչ է, որովհետեւ իմ ընտանիքում բռնություն չկա, եւ այդ օրենքն ինձ ու իմ ընտանիքին չի առնչվելու», «շատ անհրաժեշտ եւ նույնիսկ ուշացած քայլ է` ամեն օր աճող ընտանեկան բռնությունների դեմն առնելու համար», «Թղթի վրա մնացող հերթական օրենքն է»:
Եվ այսպես՝ հարցվածների 5 տոկոսը պատասխանել է, որ իրեն չի հետաքրքրում, թե ինչ է. օրենքն իր ընտանիքին չի առնչվելու, 18 տոկոսը համարում է, որ այն թղթի վրա մնացող հերթական օրենքն է: Հարցման մասնակիցների 24 տոկոսը պատասխանել է, որ ընտանեկան բռնության կանխարգելման մասին օրենքը «ջհուդիստական եւ գեյրոպայական» խարդավանք է հայ ընտանիքները ապականելու նպատակով: Իսկ հարցվածների մեծամասնությունը՝ 53 տոկոսը, պատասխանել է, որ օրենքը շատ անհրաժեշտ եւ նույնիսկ ուշացած քայլ է՝ ամեն օր աճող ընտանեկան բռնությունների դեմն առնելու համար:
Ա. ՉԻՉԱԿՅԱՆ
