Լրահոս
Օրվա լրահոսը

Իջեւանի «ՍՕՍ մանկական գյուղի» սաների նկատմամբ անառակաբարո գործողություննե՞ր են կատարվել

Օգոստոս 01,2018 17:26

Հուլիսի 31-ի երեկոյան Իջեւանի «ՍՕՍ մանկական գյուղի» սաներից մեկը ինքնավնասում է կատարել: Մեր տեղեկություններով՝ մանկական գյուղի «ՍՕՍ մայրերից» մեկը նախատել է 14-ամյա սանուհուն, որ նա ոստիկաններին տեղեկություններ է հայտնել մանկական գյուղում կատարվածի վերաբերյալ, որի պատճառով, նախատողի խոսքերով՝ մանկական գյուղի մեկ այլ «ՍՕՍ մոր» ինքնազգացողությունը վատացել է:

Աղջնակը մտել է իր սենյակ, սափրվելու ածելիով վնասել իր ձեռքը: Այդ պահին սենյակ է մտել աղջկա ընկերուհին, օգնություն կանչել, այլապես աղջիկն իրեն ավելի շատ վնաս կարող էր հասցնել:

Ներկայումս ոստիկանության Իջեւանի բաժնում նյութեր են նախապատրաստվում Իջեւանի «ՍՕՍ մանկական գյուղի» ոչ մանկավարժ, տղամարդ աշխատողներից մեկի կողմից մանկական գյուղի անչափահաս սանուհիների նկատմամբ կատարված անառակաբարո գործողությունների վերաբերյալ: Իրավապահներից ստացված տվյալներով՝ առաջիկայում այդ առթիվ քրեական գործ կհարուցվի:

Իջեւանի «ՍՕՍ մանկական գյուղի» ղեկավարները ժխտում են, որ այդ մանկական գյուղում մատաղ սերնդի դաստիարակության գործը ճիշտ չի կազմակերպվում, որ անչափահաս սաների նկատմամբ անառակաբարո գործողություներ են կատարվել, ասելով, որ գործի քննությունը կամ դատավարությունը դա կհերքի:

Ոսկան ՍԱՐԳՍՅԱՆ

Լուսանկարը՝ SOS Children’s Villages Armenia-ի ֆեյսբուքյան էջից

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2018
Երկ Երե Չոր Հնգ Ուրբ Շաբ Կիր
« Հուլ   Սեպ »
 12345
6789101112
13141516171819
20212223242526
2728293031