Արգելե՞լ, թե չարգելել … Հայաստանի դպրոցներում հեռախոսների օգտագործման հարցն է բարձրացրել կրթության և գիտության նախարար Արայիկ Հարությունյանը:
Նրա խոսքով, վերջին օրերին ստանում է բազմաթիվ նամակներ, որոնցով ծնողները կոչ են անում արգելել հեռախոսների ու հաղորդակցության այլ միջոցների օգտագործումը, ինչպես դա արել են Ֆրանսիայի տարրական և միջնակարգ դպրոցներում: Նախարարը նշել է, որ պատրաստ է այս հարցով կարծիքներ լսել:
Դասախոս, 4 երեխայի մայր Նարինե Հովսեփյանը կողմ է, որ դպրոցներում, ինչպես նաև ԲՈՒՀ-երում, դասընթացների ժամանակ սմարթֆոնների օգտագործումն արգելվի.
«Հեռախոսները երեխային խանգարում են կենտրոնանալ, դրանց պատճառով կոնտակտն են կորցնում ուսուցչի հետ, ինքս դասախոսում եմ և ամենահետաքրքիր հարցերի քննարկման ժամանակ նույնիսկ, եթե ստանում են հեռախոսազանգ կամ նամակ, ապա շեղվում են պատասխանելու համար»:
Հովսեփյանը նկատեց, որ երեխաներին տրամադրվող հեռախոսները նաև ծնողների համար երեխային վերահսկելու միջոց է, ինչը սխալ է, քանի որ պետք է երեխաներին ինքնուրույնություն տալ, իսկ պատահարների դեպքում կարելի է դպրոցների քաղաքային հեռախոսներով կապվել կամ դասարանից դուրս գալուց միացնել հեռախոսը:
Նյութն ամբողջությամբ՝ սկզբնաղբյուր կայքում
