Լրահոս
Օրվա լրահոսը

Մտերիմները հուզմունքից լացելով՝ Արայիկ Խանդոյանին ձեռքերի վրա դուրս բերեցին դատարանից

Օգոստոս 17,2018 18:40

Քիչ առաջ դատավոր Մեսրոպ Մակյանի որոշմամբ կալանքից ազատ արձակվեցին Ոստիկանության ՊՊԾ գունդը գրաված «Սասնա ծռեր» զինված խմբի գործով մեղադրյալներ Արայիկ Խանդոյանը եւ Վարուժան Ավետիսյանը: Նրանց ազատ արձակելու միջնորդության հիմքում ԱԺ «Ծառուկյան» խմբակցության պատգամավորներ Շաքե Իսայանի, Նաիրա Զոհրաբյանի եւ Հակոբ Նազարյանի անձնական երաշխավորագրերն էին: Այս փաստաթղթերով պատգամավորները երաշխավորել են, որ ազատության մեջ գտնվելով՝ Խանդոյանը եւ Ավետիսյանը պատշաճ կներկայանան դատական նիստերին եւ չեն խուսափի գործի քննությունից:

Հատկանշական է, որ Արայիկ Խանդոյանի հարազատներն ու մարտական ընկերները նրան դատարանից դուրս բերեցին ձեռքերի վրա. հարազատները հուզմունքից լաց էին լինում, Խանդոյանը՝ եւս:

Հիշեցնենք, որ ազատամարտիկ Արայիկ Խանդոյանը՝ հայտնի որպես «միայնակ գայլ», մեղադրվում է ապօրինի զենք պահելու-կրելու, պատանդառություն կատարելու, ռազմավարական նշանակության շենք-շինություններ զավթելու, նաեւ՝ կյանքի-առողջության համար վտանգավոր բռնություն գործադրելով կամ դա գործադրելու սպառնալիքով զենք հափշտակելու համար: Վարուժան Ավետիսյանն էլ մեղադրվում է նախ 2015-ին Հայոց ցեղասպանության զոհերի տարելիցի օրվա նախօրեին զանգվածային անկարգություններ նախապատրաստելու, ապա՝ ռազմավարական նշանակության շենք-շինություններ զավթելու, ապօրինի զենք կրելու,  զենքի հափշտակություն կատարելու եւ ՊՊԾ գնդի տարածքում գույք ոչնչացնելու համար»:

Լուիզա ՍՈՒՔԻԱՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2018
Երկ Երե Չոր Հնգ Ուրբ Շաբ Կիր
« Հուլ   Սեպ »
 12345
6789101112
13141516171819
20212223242526
2728293031