Վարչապետ Նիկոլ Փաշինյանի՝ օրերս Արարատի մարզ կատարած այցը երիցս ապացուցեց՝ նոր կառավարիչներն իրենց գործից գլուխ չեն հանում: Փաշինյանի հարցը Արարատի մարզպետ Գարիկ Սարգսյանին` մարզում քանի՞ կաթիլային ոռոգվող այգի, հակակարկտային ցանց և կայան կա, այդպես էլ անպատասխան մնաց. մարզպետը, պարզվեց, հողատարածքների չափման միավորների մասին աղոտ պատկերացում ունի:
Միջադեպը վարչապետին զայրացրեց գուցե ոչ այն բանի համար, որ Գարիկ Սարգսյանը պաշտոնավարում է Փաշինյանի անձնական հեղինակության հաշվին, այլ զուտ այն պատճառով, որ իշխանափոխությունից հետո գրանցված դրական արդյունքներով արարատցիների մոտ «գլուխ գովալու» փոխարեն վարչապետը բախվեց ոչ կոմպետենտ մարդուն կարևոր պաշտոնի նշանակելու բացահայտ դրսևորման հետ:
Սեփական թիմում կադրային սով ունենալու մասին վարչապետը խոսեց հենց նույն օրը՝ կարծես դույզն-ինչ մեղմելու մարզպետի հետ տեղի ունեցած անհարմար միջադեպի թողած տպավորությունը: Արդեն Արտաշատի հրապարակում քաղաքացիների հետ հանդիպման ժամանակ Նիկոլ Փաշինյանը հայտարարեց, թե իր մարզային այցելությունների ընթացքում փորձում է դաշնակիցներ գտնել: Եվ, ըստ երևույթին, հայտնի երգի բառերի հակառակ տրամաբանությամբ՝ խոստովանեց, որ «մենակ է, մենակ է, մենակ» է: Միայնակ բոլոր տեղերում ներկայանալու, պայքարելու ու հաղթելու մասին վկայեցին նաև Երևանի ավագանու արտահերթ ընտրությունները, երբ քաղաքացին ընտրեց ոչ թե «Քաղաքացիական պայմանագիր» կուսակցությունը՝ ի դեմս առաջադրված թեկնածուի, այլ կուսակցության առաջնորդ-վարչապետին, որն իր ուսերին էր առել քարոզարշավի ամբողջ ծանրությունը:
Կադրային քաղաքականության հարցը մշտապես եղել է բոլոր իշխանությունների ցավոտ տեղերից մեկը, Փաշինյանի թիմի դեպքում՝ աքիլեսյան գարշապարը: Թե՛ նախկինում, թե՛ այժմ պետական համակարգում լրջագույն բարեփոխումների կարիք կա:
Սևակ ՎԱՐԴՈՒՄՅԱՆ
Հոդվածն ամբողջությամբ կարող եք կարդալ «Իրատես» թերթի այսօրվա համարում
Մի առիթով արդէն գրել եմ «Առաւօտում», որ այս պահին երկու մեծ խնդիր կայ՝ ԱԺ արտահերթ ընտրութիւնները եւ Փաշինեանի կադրային քաղաքականութիւնը: Նաեւ յոյս եմ յայտնել, որ «մինչեւ կկուի կանչը» այս հարցերը կը լուծուեն: Հակառակ պարագայում երկրի զարգացման «բաղձալի թռիչքը» դժուար է պատկերացնել:
Այս երիտասարդների մեծ մասը ազնիւ են, պարկեշտ են, առաքինի, բայց իրենց գործի գիտակ չեն:
Փողոց փակելը դեռ բաւարար պայման չէ պատասխանատու պաշտօն զբաղեցնելու համար: Իսկ փորձը ցոյց տուեց, որ Փաշինեանը հէ՛նց այդ մարտավարութիւնն էր ընտրել՝ եթէ փողոց կամ նոյնիսկ նրբանցք ես փակել՝ կանաչ լոյս: Իսկ եթէ յեղափոխութեան հետ մատնաչափ անգամ առնչութիւն չունես՝ կարմիր լոյս 🙂
Մի մտահոգվեք լուծվող հարց է,եթե նախորդ իշխանությունները լղոզելու աշխատանքի ձևն էին ընտրել լինելով արհեստավարժ ‘այժմ փորձ չունեցող մաքուրները քրտնաջան, անբասիր,ծանրաբեռնված աշխատելաոճով կապահովեն առաջընթաց`միայն թե լինեն տառաճանաչ և կարդալ սիրեն:
Բարի ցարի տեսությունը հիմա էլի ակտուալա։ Նիկոլնելա ոչ կոմպետենտ իր առաջին տեղակալնել իրա կադրերի մեծ մասնել։ Գյուլնազ տատի հեքիաթները պատմելով Ման եմ գալիս ագրարային երկրից դառնանք բարձր տեխնոլոգիական բան։