Ադրբեջանի արտգործնախարարության համար դժվար է հասկանալ Հայաստանի վարչապետ Նիկոլ Փաշինյանի տրամաբանությունը՝ կապված վերջինիս այն հայտարարության հետ, որ պաշտոնական Երևանը պատրաստ չէ բանակցությունների «տարածքներ խաղաղության դիմաց» ձևաչափով:
«Պարոն Փաշինյանի տրամաբանությունը դժվար է հասկանալ: Ինչպես հայտնի է, ԵԱՀԿ Մինսկի խմբի հովանու ներքո անցկացվող Լեռնային Ղարաբաղի հակամարտության կարգավորման բանակցությունների հիմքում ընկած է հենց հայկական զորքերը Ադրբեջանի տարածքից դուրս բերելը: Այդ պահանջն արտացոլված է ՄԱԿ-ի Անվտանգության խորհրդի 4 բանաձևերում, ինչպես նաև հակամարտության կարգավորման շրջանակում միջազգային կազմակերպությունների ընդունած գործնականում բոլոր փաստաթղթերում: Այդ դեպքում հարց է առաջանում. արդյո՞ք պարոն Փաշինյանի այդ դիրքորոշումը չի նշանակում բանակցություններից հրաժարում»,- ասվում է Ադրբեջանի ԱԳՆ տարածած հայտարարության մեջ:
Պատրաստեց՝ Վիկտորյա ԱՆԴՐԵԱՍՅԱՆԸ
