Մարտի 1-ի գործով դատական նիստի ժամանակ, ինչպես տեղեկացրել ենք, երկրորդ նախագահ Ռոբերտ Քոչարյանը հորդորել էր լրագրողներին նիստերի դահլիճից դուրս հրավիրել, շատ կարեւոր բան ունի ասելու, որը հրապարակման ենթակա չէ: Պաշտպաններն ասել էին, որ դա կարող է անել ելույթի վերջում: Քիչ առաջ, երբ նիստերի դահլիճում ներկա էին նաեւ Արցախի գործող եւ նախկին նախագահները՝ Բակո Սահակյանն ու Արկադի Ղուկասյանը, Քոչարյանը դատարանին հորդորեց, որ նախագահները նույնպես մասնակցեն. «Իրենք այդ գաղտնիքը կրողն են»:
Դատավորն էլ ասաց, որ եթե դռնփակ են որոշում անցկացնել նիստի մի հատվածը, բացի կողմերից որեւէ մեկը չի կարող մասնակցել: Բակո Սահակյանին եւ Արկադի Ղուկասյանին ուղեկցեցին դուրս, նրանք շտապ դուրս եկան դատարանից ու չպատասխանեցին լրագրողների հարցերին:
Հռիփսիմե ՋԵԲԵՋՅԱՆ
