Լրահոս
Օրվա լրահոսը

«Կարծեմ Շողերինն է». Դավիթ Անանյանը՝ ավտոմաքսատան տարածքը Սամվել Ալեքսանյանի կնոջից վարձակալելու մասին

Հուլիս 01,2019 17:08

ՊԵԿ նախագահ Դավիթ Անանյանն այսօր լրագրողների հետ զրույցում հարցին՝ ավտոմաքսատունը Գյումրի տեղափոխելու հետ կապված վարչապետի հանձնարարականը ինչո՞ւ չեք կատարում, ի՞նչ փուլում է դա, պատասխանեց. «Ո՞վ է ասում չի կատարվում: Ավելի համապարփակ լուծում է տրվել: Գյումրիում կառուցվելու է արտաքին տնտեսական գործունեության սպասարկման կենտրոն, որը ոչ միայն իրականացնելու է ավտոմաքսատան ֆունկցիա, այլ իրականացնելու է շատ ավելի ընդգրկուն գործառույթ»: Անանյանն ասաց, որ դրա մեկնարկը տրվել է ու դա մի քանի ամսվա գործ չի, տարիների ընթացքում կլինի:

Նա ասաց, որ ժամանակի ընթացքում Երեւան քաղաքից մաքսային ձեւակերպումները դուրս են գալու, ունենալու ենք հյուսիսային եւ հարավային տարածաշրջանային արտաքին տնտեսական սպասարկման կենտրոններ, որը մեկ տանիքի ներքո կենտրոնացնելու է արտաքին տնտեսական գործառույթները. «Եթե համարում եք, որ դա եւ վարչապետի հանձնարարականը իրար հետ աղերս չունեն, դա ուղղակի մտքի թռիչքի ինչ-որ շրջանակներից է»:

Դավիթ Անանյանը նշեց նաեւ, որ Շիրակի՝ հյուսիսայինի կենտրոնի վայրն արդեն ընտրված է: Ֆինանսական միջոցները հավանաբար կլինեն դոնորների եւ վարկային միջոցների հաշվին. «Նախնական հաշվարկով 19-21 մլն դոլարի շրջանակներում կլինի յուրաքանչյուր կենտրոնը»:

Թե ինչ են անելու Երեւանի մաքսատան հետ՝ Դավիթ Անանյանն ասաց, որ դա վարձակալած տարածք էր, ումի՞ց էին վարձակալել, Սամվել Ալեքսանյանի՞ց՝ Դավիթ Անանյանը պատասխանեց. «Ոչ, Սամվել Ալեքսանյանինը չի»: Նա ասաց, որ վարձակալի անունը չի հիշում, երբ հուշեցինք՝ գուցե Սամվել Ալեքսանյանի կնո՞ջ անունով է՝ Շողերի՝ նա պատասխանեց. «Դուք կարծում եք, ես բոլոր վարձակալների անունները անգիր հիշո՞ւմ եմ: Հնարավոր է, կարծեմ Շողերինն է, այո»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Հուլիս 2019
Երկ Երե Չոր Հնգ Ուրբ Շաբ Կիր
« Հուն   Օգո »
1234567
891011121314
15161718192021
22232425262728
293031