Ռուսական ORSIS սպառազինություն արտադրող ընկերությունը դատարանի որոշմամբ հանվել է Հայաստանի մատակարարների սև ցուցակից: Այս մասին «ՌԻԱ Նովոստիին» ասել է դատարանում ձեռնարկության շահերը պաշտպանող Ալեքսանդր Սիրունյանը:
ORSIS-ը սև ցուցակում էր հայտնվել այն բանից հետո, երբ Հայաստանի պաշտպանության նախարարությունը չեղարկեց մի քանի միլիոն դոլարի ռազմատեխնիկայի մատակարարման տենդերը, որին մասնակցում էր այդ ընկերությունը:
Այդ գործով հարուցվել էր քրեական գործ Հայաստանի քրեական օրենսգրքի 376-րդ հոդվածով («ծառայության նկատմամբ անփութություն»), որն այս պահին քննում է Հայաստանի Հատուկ քննչական ծառայությունը:
«Երևանի ընդհանուր իրավասության դատարանը հաստատել է մեր միջնորդությունը և կասեցրել Հայաստանի ֆինանսների նախարարության որոշումը՝ ORSIS-ը ներառելու պետական գնումներին մասնակցելու իրավունք չունեցող սուբյեկտների սև ցուցակում»,- ասել է Սիրունյանը:
Կարդացեք նաև
Նա նշել է, որ ORSIS-ը կրկին իրավունք ունի մասնակցել տենդերներին և մատակարարումներ իրականացնել Հայաստանի ուժային կառույցներին:
Պատրաստեց՝ Վիկտորյա ԱՆԴՐԵԱՍՅԱՆԸ
