«Իրազեկ քաղաքացիների միավորում» ՀԿ նախագահ Դանիել Իոաննիսյանը, որն այսօր կառավարության որոշմամբ դարձավ Հանրային խորհրդի անդամ, կառավարության նիստից հետո, լրագրողների հետ զրույցում պատասխանելով հարցին, թե ի՞նչ նկատի ուներ Փաշինյանը, որ ասաց՝ ամբողջ պետական համակարգը հեղափոխությանը դիմադրում է, ասաց՝ այս երեւույթը կոչվում է՝ deep state (խորքային պետություն): Իոաննիսյանը նույնպես հաստատեց, որ կա դիմադրություն:
Հարցին՝ մասնավորապես որ պետական կառույցի մասին է խոսքը, պատասխանեց. «Օրինակ՝ ԱԱԾ-ի վերջին ժամանակաշրջանի գործունեությունը դասական deep state է»:
Պարոն Իոաննիսյանի խոսքով՝ պետկառավարման համակարգում շատերը կան, որոնք փոփոխություններ չեն ուզում. «Ովքեր կոմֆորտի գոտիում են, ցանկանում են, որ ամեն ինչ մնա այնպես, ինչպես կա:
Այս առումով շատ հասկանալի է այդ մարդկանց մոտեցումը։ Նրանք ժողովրդավարական փոփոխություններ չեն ուզում, խաղի կանոնների փոփոխություններ չեն ուզում, որովհետեւ փոփոխությունների արդյունքում այդ մարդիկ, հնարավոր է, այլեւս պետք չլինեն»:
Նրա խոսքով, նրանք, որոնք տարիներ շարունակ մասնագիտացել են ընդդիմությանը հետապնդելու մեջ, ժողովրդավարության պայմաններում մնալու են անգործ։
Կարդացեք նաև
Նրա համոզմամբ իրավապահ համակարգի բոլոր օղակներում բարեփոխումներ են անհրաժեշտ, որպեսզի համակարգերի տրամաբանությունը փոխվի:
Մանրամասները՝ տեսանյութում
Անդրադառնալով ոստիկանությանը գաղտնալսման իրավունք տալու հարցին, որն այս օրերին քննարկվում է Ազգային ժողովում, Դանիել Իոաննիսյանն ասաց՝ գաղտնալսումը կարող է միայն Ազգային անվտանգության ծառայությունն անել, ինչը որոշակի ռիսկեր է պարունակում: Բացի այդ բյուրոկրատիայի արդյունքում, հանցագործությունը բացահայտելու արդյունավետությունը նվազում է:
Մանրամասները՝ տեսանյութում
Լուսինե ԲՈՒԴԱՂՅԱՆ
