ԱԺ այսօրվա նիստում քննարկվում էր «Լուսավոր Հայաստան» խմբակցության հեղինակած՝ «Ֆինանսական համակարգի հաշտարարի» մասին օրենքում փոփոխությունների օրինագիծն առաջին ընթերցմամբ ընդունելու հարցը: Օրինագիծն ընդլայնում է հաշտարարի գրասենյակից օգտվողների շրջանակը:
ԼՀԿ պատգամավոր Արկադի Խաչատրյանը նախ նշեց, որ հաշտարարի գրասենյակը տասը տարի գործում է, բացահայտել է օրենսդրական բացեր, անվճար ծառայություններ է մատուցել այն քաղաքացիներին, որոնք ֆինանսական վեճեր են ունեցել ֆինանսական կազմակերպությունների հետ, եւ այդ կերպ բեռնաթափել է դատարանների աշխատանքը:
Օրինագիծը, պատգամավորի խոսքով, կավելացնի գրասենյակից անվճար օգտվող հաճախորդների թիվը. «Գործող օրենքով ֆինանսական կազմակերպությունների դեմ բողոք կարող են բերել միայն ֆիզիկական անձինք, իսկ մեր առաջարկած փոփոխությամբ՝ նաեւ անհատ ձեռնարկատերերն ու իրավաբանական անձինք: Սա շատ կարեւոր է փոքր բիզնեսին աջակցելու եւ դատական համակարգը բեռնաթափելու համար»:
Արկադի Խաչատրյանը նաեւ նշեց, որ հաշտարարի գրասենյակի գործունեության ընթացքում վեճերը 70%-ով լուծվել են հօգուտ քաղաքացիների:
Կարդացեք նաև
Հիշեցնենք, որ ֆինասական համակարգի հաշտարարը բողոքները քննում է արտադատարանական կարգով: Նշյալ օրինագիծը դեռ պետք է քվեարկվի:
Լուիզա ՍՈՒՔԻԱՍՅԱՆ
