Միջազգային իրադարձությունների լուսաբանման համար Պուլիտցերյան մրցանակի է արժանացել New York Times թերթը՝ «Վլադիմիր Պուտինի գիշատիչ ռեժիմի բացահայտումների» համար:
Կազմակերպության հաղորդագրության համաձայն՝ առաջատար ամերիկյան թերթը մրցանակ է ստացել մի շարք հետաքրքրաշարժ պատմությունների շարքի համար, որոնք բացահայտում են Վլադիմիր Պուտինի վարչակարգի անօրինական գործողությունները:
Ընդհանուր առմամբ 2020թ. մրցանակին արժանացել է 7 հոդված և մեկ հոլովակ, որոնք պատմում են ուկրաինացի բարձրաստիճան պաշտոնյայի սպանության մասին, որը պատվիրվել է Մոսկվայից, Լիբիայում և Կենտրոնական Աֆրիկյան Հանրապետությունում ռուսական շահերի, Սիրիայում ռուսական ավիացիայի կողմից քաղաքացիական օբյեկտների հրթիռակոծությունների մասին:
Պուլիտցերյան մրցանակը շնորհվում է ամերիկյան թերթերում, ամսագրերում, կայքերում տարբեր ժանրերի հրապարակումների համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
