Այսօր փոխվարչապետ ու ՀՀ պարետ Տիգրան Ավինյանը ԱԺ հատուկ նիստում արտակարգ դրության ռեժիմի երկարաձգման հարցի քննարկման ժամանակ ասաց, որ հանրային տրանսպորտը վերաբացելու են, բայց թույլատրելու են դրանից օգտվել միայն դիմակով:
«Իմ քայլի» պատգամավոր Տաթեւիկ Հայրապետյանը մտահոգություն ուներ. «Ֆինանսական բեռ էր դա մարդկանց համար: Բայց ախտահանումը հավուր պատշաճի իրականացվելո՞ւ է ու կլինի՞ արգելք, որ չտեսնենք այն իրավիճակը, որը շատ հաճախ տեսնում ենք՝ ավտոբուսներում կամ երթուղային գազելներում մարդիկ արդեն քիչ է մնում դուրս թողնվեն նույն մեքենայից, որովհետեւ ցանկացած, անգամ քառաշերտ դիմակի պարագայում, եթե այդ նույն քփությամբ ճամփորդեն, դա լուրջ խնդիրներ կառաջացնի: Դիտարկվո՞ւմ է այդ հարցը, թե ինչպես է դա վերահսկվելու»:
Ավինյանը պատասխանեց. «Պարտադիր պետք է դիմակներ կրեն անձինք տրանսպորտից օգտվելիս, բայց նաեւ չի թույլատրվելու գերծանրաբեռնված տրանսպորտի շահագործումը: Ախտահանման պարտադիր կանոններ են դրված»:
Ավինյանը նշեց, որ նախկինում էր գերբեռնված տրանսպորտով երթեւեկել չէր թույլատրվում: Նա վստահեցրեց, թե գերբեռնված տրանսպորտային միջոցները ճանապարհային ոստիկանության կողմից կանգնեցվում էին ու ուղեւորներին իջեցնում էին: Իսկ հիմա ամբողջապես հետեւելու են, եթե որեւէ պայման ու կանոն չկատարեն, շահագործողների համար խնդիրներ կլինեն:
Կարդացեք նաև
Հռիփսիմե ՋԵԲԵՋՅԱՆ
Լուսանկարը՝ արխիվային
