Երևանի քաղաքապետարանի գործակարգավարական խորհրդակցության ժամանակ անդրադարձ եղավ կամուրջների հիմնանորոգմանը։ Նշվեց, որ Կիևյան կամրջի աշխատանքներն ամբողջությամբ ավարտվել են նախատեսված ժամկետից շուտ։
Տիգրան Ավինյանն ընդգծեց, որ Երևանում ճանապարհների և կամուրջների նորոգման դեպքում պետք է խստորեն պահպանվեն միասնական որակական ստանդարտները՝ անկախ նրանից, թե ով է հանդիսանում պատվիրատուն։ Նրա խոսքով, քաղաքային ենթակառուցվածքների հետ աշխատելիս կապալառուները հաճախ հանդիպում են անակնկալների (թղթի վրա չնշված ենթակառուցվածքներ և այլ շերտեր), հետևաբար պահանջվում է առավելագույն պատասխանատվություն և տոտալ հսկողություն Քաղաքաշինության և հողի վերահսկողության վարչության կողմից։
«Ով գալիս է Երևան քաղաքում գործ անելու, լինի դա մեր պատվերով, թե ճանապարհային դեպարտամենտի պատվերով, պետք է իմանա, որ այստեղ գործում է որոշակի ստանդարտ: Սա ոլոր ու մոլոր գյուղի ճանապարհ չի, Երևան քաղաքում պետք է լինել զգոն»,- ասաց Տիգրան Ավինյանը։
Կարդացեք նաև
Գործակարգավարական խորհրդակցությունն ամբողջությամբ
Գոհար ՀԱԿՈԲՅԱՆ
