Ադրբեջանցի ընդդիմադիր հայտնի լրագրող-բլոգերներից մեկը գրել էր, թե սպանվել են գեներալ-մայոր Փոլադ Հաշիմովը և գնդապետ Իլգար Միրզեևը: Հրապարակումից քիչ անց հեռացրել էր գրառումը:
Փոխանցելով այս տեղեկությունը՝ «Ռազմինֆոն» իր ֆբ էջում հայտնել էր. «Մենք հիմա փորձում ենք ճշտել տեղեկության արժանահավատությունը: Սա առավել ուշագրավ է, քանի որ նշված անձինք զբաղեցնում են բարձր պաշտոններ»: Ըստ «Ռազմինֆոյի» դիտարկումների՝ Փոլադ Հաշիմովը 3-րդ կորպուսի շտաբի պետն է, իսկ Իլգար Միրզեևը նույն կորպուսի հրետանու պետը:
Քիչ առաջ ՀՀ ՊՆ նախկին խոսնակ, Վազգեն Սարգսյանի անվան ռազմական համալսարանի պետի տեղակալ, հրամանատարաշտաբային ֆակուլտետի պետ Արծրուն Հովհաննիսյանը հաստատել է այս տեղեկությունները. «Գեներալը հաստատվեց…»: Մեկնաբանություններում օգտատերերը պնդում են, որ հաստատվել է նաեւ գնդապետ Իլգար Միրզեևի զոհվելու մասին լուրը:
