Սույն թվականի հունիս ամսվա տվյալներով՝ ՀՀ առողջապահության նախարար, այժմ վարչապետի որոշմամբ արձակուրդում գտնվող Արսեն Թորոսյանը 60 տոկոս վարկանիշ է ունեցել բնակչության շրջանում: Այս ցուցանիշն այսօր հրապարակեց սոցիոլոգ Սամվել Մանուկյանը՝ «Հանուն սոցիալական արդարության» կուսակցության կազմակերպած՝ «Պետության սոցիալական քաղաքականությունը համավարակի ժամանակ. արդյո՞ք այն բխում է քաղաքացիների շահերից» քննարկման ժամանակ: Այս տվյալը ստացվել է հունիս ամսին անցկացված սոցիոլոգիական հետազոտության արդյունքում: Ըստ բանախոսի, վերջին 5-10 տարիների ընթացքում հանրապետությունում ոչ մի պաշտոնյա նման բարձր ցուցանիշ չի ունեցել:
Անդրադառնալով COVID 19-ի համավարակի ժամանակ բնակչության սպասումներին՝ սոցիոլոգը, հիմնվելով վերոնշյալ հետազոտության արդյունքների վրա, հայտարարում է, որ, ընդհանուր առմամբ, բնակչության շրջանում դեռևս կա իշխանությունների հանդեպ վստահության որոշակի պաշար, չնայած այն հանգամանքին, որ համակարգային խնդիրների լուծման տեսակետից զգացվում է կառավարության անփորձ լինելը։ Ըստ այդմ, հարցվածների 30 տոկոսը պատրաստ է ևս վեց ամիս երկրում ընթացող գործընթացներն ընդունելի համարել, հարցվածների 20 տոկոսը այդպիսի դիրքորոշում կունենա ևս մեկ տարի, իսկ 20 տոկոսը՝ 1,5 տարի: Հարցվածների 70 տոկոսը նշել է, որ դրական է համարում համավարակի պայքարի դեմ կառավարության քայլերը, 30 տոկոսն ասել են, որ տարատեսակ ձեւերով օգտվել են այդ ծրագրերից:
Տնտեսագետ Թաթուլ Մանասերյանը սեփական փորձով է համոզվել, որ կառավարության վարած քաղաքականությունը թույլ է եւ ոչ հասցեական: Նա, մասնավորաբար, նշեց, եթե անձամբ բախված չլիներ խնդրի հետ, որ պետությունը որեւէ օժանդակություն չի ցուցաբերում տնային պայմաններում բուժում ստացող հիվանդներին, կկարծեր, թե նման կարգի բոլոր խոսակցությունները զուտ բամբասանք են: Ի դեպ, խնդիրն ինքը դիտարկում է ոչ թե զուտ նյութական, այլ բարոյական հարթությունում. «Այս ամիսներին շատ է խոսվել, թե ինչ կարող են ակնկալել մարդիկ, որոնք համավարակից չեն խուսափել: Եթե ինքս այդ վիճակում չլինեի, կասեի, որ նման խոսակցությունները քաղաքականացված են, սակայն ինքս անցել եմ դրա միջով ու կարող եմ ասել՝ զրո ուշադրություն: Եվ այն գումարները, որ ասում են, թե տրամադրվում են՝ ճիշտ հակառակը՝ ես եմ այդքան գումար ծախսել: Հարցը նաև բարոյական կողմ ունի, մենք ուզում ենք հասկանալ՝ ՀՀ քաղաքացին կարո՞ղ է հավակնել այդ պետական աջակցությանը, թե դա միայն պրոպագանդա է»: Նրա գնահատմամբ՝ համավարակի այս ողջ իրավիճակը հստակ ցուցիչ է՝ արդյոք մենք կարո՞ղ ենք հաղթահարել ոչ միայն այս խնդիրը, այլև շատ այլ խնդիրներ, որ ծառացած են երկրի առջև:
Այլ մանրամասները՝ տեսանյութում .
Կարդացեք նաև
《Հանուն սոցիալական արդարության》 կուսակցության քննարկումը 《Պետական քաղաքականությունը համավարակի ժամանակ》
Gepostet von Arman Ghukasyan am Donnerstag, 27. August 2020
Նելլի ԳՐԻԳՈՐՅԱՆ
