Այս լուսանկարները ներկայացնում են Արարատի մարզի Սիսավան գյուղի դպրոցը, որը 40 եւ ավելի տարիներ չի վերանորոգվել:
Շենքի երկաթբետոնե կոնստրուկցիաներն այնպես են իրարից հեռացել, որ անգամ անզեն աչքով ճեղքերը դրսից երեւում են: Որոշ տեղերում պատերն առաստաղից հեռացել են, տարիներ առաջ էլ դասարաններն իրար միացնող մի պատ է քանդվել:
Ի դեպ, 1988-ին, երբ երկրում պարետային ժամ էր սահմանվել, 4 ամսով այս դպրոցի մարզադահլիճում էր տեղակայվել խորհրդային բանակի շրջանային կայազորը: Զինվորներն իբրեւ վառելիք օգտագործել էին դպրոցի գույքն ու մանրահատակը:
Aravot.am-ը Սիսավանի դպրոցի ճակատագրի վերաբերյալ մեկնաբանություն խնդրեց Արարատի մարզպետարանից: Մարզպետի խորհրդական Լիլիթ Թադեւոսյանը Aravot.am-ի հետ զրույցում նշեց. «Մարզի այն դպրոցները, որոնք ունեն շենքային բարելավման խնդիրներ, բոլորը ներառված են միջնաժամկետ ծախսային ծրագրերում: Սակայն, առաջնահերթությունը տրվելու է ըստ շենքերի վթարայնության աստիճանի: Սիսավան համայնքի դպրոցն էլ այդ ցանկի մեջ է»:
Կարդացեք նաև
Գոհար ՀԱԿՈԲՅԱՆ
