«ՀԺ»-ի հարցերին է պատասխանում «Իմ քայլը» խմբակցության պատգամավոր, ԱԺ արտաքին հարաբերությունների հանձնաժողովի անդամ, ադրբեջանագետ Տաթեւիկ Հայրապետյանը.
– Տիկին Հայրապետյան, ըստ ձեզ՝ սկսված թուրք-ադրբեջանական զորավարժությունները իրենցից որեւէ վտանգ ներկայացնո՞ւմ են, թե՞ ոչ:
– Ընդհանուր առմամբ զորավարժությունը, այն էլ պատերազմից շատ կարճ ժամանակ հետո, ինքնին որեւէ լավ բանի մասին չի խոսում: Հատկապես երբ Ադրբեջանի ու Թուրքիայի ղեկավարները տարբեր առիթներով փորձում են հավաստիացնել, որ գնում են տարածաշրջանի խաղաղեցման, կայունացման ճանապարհով, նման զորավարժությունների կազմակերպմամբ հակասում են իրենց այդ հայտարարություններին: Այդ տեսանկյունից այս պահի դրությամբ խնդրահարույց է զորավարժությունների կազմակերպումը:
– Ի՞նչ է անում Հայաստանը դրա դեմ:
Կարդացեք նաև
– Անկախ զորավարժությունների անցկացնել-չանցկացնելուց, այս տարածաշրջանը հաշվի առնելով, մեր հարեւանների գործոնը հաշվի առնելով՝ մեր գերխնդիրն է օր առաջ դուրս գալ պատերազմի շոկից եւ գնալ հզորացման ճանապարհով, այդ թվում ոտքի կանգնեցնել բանակը, փորձել վերականգնել կոտրված մեջքը:
– Ըստ ձեզ՝ այն զորավարժությունները, որոնք սկսվել են այսօր, հնարավո՞ր է կրկին պատերազմի վերաճեն:
– Անկեղծ ասած, ես այս պահին նման ռիսկ չեմ տեսնում, որ դրանք վերաճեն պատերազմի: Հաշվի առնենք նաեւ այն հանգամանքը, որ թեեւ մենք պարտություն ենք կրել, բայց ադրբեջանական կողմը շատ ծանր կորուստներով է դուրս եկել այդ պատերազմից:
Սյուզաննա ՊՈՂՈՍՅԱՆ
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
Հիշեք այս մարդու հայտարարությունները մինչպատերազմական ժամանակահատվածում…