Ցանցացատկի ֆեդերացիան Հայաստանում հիմնադրվել է 2011 թվականին` սպորտային մարմնամարզիկ Դավիթ Ֆահրադյանի անմիջական ջանքերով, եւ օլիմպիական այս գեղեցիկ մարզաձեւը աստիճանաբար ճանաչելի է դառնում հանրապետությունում, հատկապես մայրաքաղաքում:
Ֆեդերացիային այս ընթացքում հաջողվել է զբաղվել նաեւ մարզիչների որակավորման բարձրացման խնդիրներով, որոնց աշխատանքը սկսել է տալ առաջին պտուղները: Օրերս 13-ամյա Վալերի Ժամկոչյանը մասնակցել է Եվրոպայի առաջնությանը, 14-17 տարեկանների խմբում մտել է եզրափակիչ եւ ի վերջո զբաղեցրել 7-րդ տեղը:
Դավիթ Ֆահրադյանի խոսքով, որը նաեւ «Շենգավիթի համալիր մարզաձեւերի մանկապատանեկան մարզադպրոց» ՀՈԱԿ-ի տնօրենն է, իրենք այս արդյունքին հասնելու համար երկար ճանապարհ են անցել եւ շատ են սպասել: Իսկ Ժիրայր Ժամկոչյանը, որ մինչ այդ հասցրել է հանդես գալ միջազգային մրցաշարերում, սակայն սա իր առաջին մասնակցությունն է նման բարձր կարգի մրցման, ուրախացել է իր արձանագրած արդյունքով:
Կարդացեք նաև
Աշոտ ՀԱԿՈԲՅԱՆ
