Լրահոս
Օրվա լրահոսը

«Փորձեցինք մեղմել պատերազմից հետո ստեղծված բարոյահոգեբանական վիճակը». Փառատոնի տնօրեն

Սեպտեմբեր 15,2021 14:48

«Ռոլան» մանկապատանեկան ֆիլմերի 17-րդ փառատոնն այս տարի առաջին անգամ իրականացվեց հիբրիդային ձեւաչափով` երկու փուլով: Առաջին փուլը օգոստոսի 2-ից սեպտեմբերի 15-ը` օֆլայն տարբերակով 41 օր, եւ երկրորդ փուլը սեպտեմբերի 3-7-ը առցանց ձեւաչափով»,- «Արմենպրեսի» մամուլի սրահում խոսելով փառատոնի արդյունքների մասին նշեց «Ռոլան» մանկապատանեկան ֆիլմերի միջազգային փառատոնի նախագահ, Հայաստանի «Ռոլան Բիկով» հիմնադրամի նախագահ Նունե Մանուկյանը:

Նունե Մանուկյան

Նրա ձեւակերպմամբ, ընդհանուր 46 ռեկորդային, մարաթոնային օր է տեւել փառատոնը, որն իրականացվել է ԿԳՄՍ նախարարության, Հայաստանում Ֆրանսիայի դեսպանության, Երեւանում գիտության եւ մշակույթի ռուսական կենտրոնի եւ «Գյոթե» կենտրոնի աջակցությամբ:

«Փառատոնի նպատակն է շարունակել միջոցառումների ապակենտրոնացումը Երեւանից դեպի ՀՀ մարզեր ` հատկապես սահմանամերձ մարզեր եւ Արցախ, ստեղծել նպաստավոր պայմաններ, օգտագործելով փառատոնը` որպես կայուն եւ վստահելի միջազգային հարթակ երեխաների, պատանիների եւ երիտասարդների համար»,-ասաց տիկին Մանուկյանը: Նաեւ ընդգծեց, որ փառատոնի միջոցով փորձել են մեղմել պատերազմից հետո ստեղծված բարոյահոգեբանական վիճակը:

Փառատոնի շրջանակում իրականացվել են նաեւ ստեղծագործական հանդիպումներ, վարպետության դասեր, փառատոնին մասնակցել են խոցելի խմբերի երեխաներն ու մանկատների սաները, սահմանամերձ շրջաններում Արցախից ապաստանած մանուկները: Ցուցադրվել է 25 ֆիլմ` 13 երկրից:

Փառատոնի շրջանակում իրականացվել է 3 ֆիլմի պրեմիերա, շարունակվել են նախորդ տարիների լավագույն ծրագրերը:

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2021
Երկ Երե Չոր Հնգ Ուրբ Շաբ Կիր
« Օգո   Հոկ »
 12345
6789101112
13141516171819
20212223242526
27282930