Հոկտեմբերի 19-ին ՀՀ ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը մասնակցել է ՀԱՊԿ ԽՎ պաշտպանության եւ անվտանգության հարցերով մշտական հանձնաժողովի առցանց նիստի աշխատանքներին:
Օրակարգում ընդգրկված եղել է 10 հարց, որոնցից մի քանիսի քննարկումը լրամշակման նպատակով օրակարգից հանվել է:
«Խաղաղարար գործունեության եւ խաղաղապահ ուժերի մասին» ՀԱՊԿ մոդելային օրենքի նախագծի մշակման վերաբերյալ հայկական կողմը ներկայացրել է առաջարկներ՝ հիմնված ՀՀ պաշտպանության, ինչպես նաեւ արտաքին գործերի նախարարությունների ներկայացված եզրակացությունների վրա:
Առաջարկներն ընդունվել են ՀԱՊԿ ԽՎ քարտուղարության կողմից եւ միտված են ՀՀ օրենսդրությանը համապատասխանեցնելուն:
Կարդացեք նաև
«Խաղաղարար գործունեության եւ խաղաղապահ ուժերի մասին» ՀԱՊԿ մոդելային օրենքի նախագիծը մշակվում է ՀԱՊԿ ԽՎ գործունեության ծրագրի համաձայն` ՀԱՊԿ անդամ երկրների 2021-2025թթ. ազգային օրենսդրության մերձեցման եւ ներդաշնակեցման նպատակով:
ՀՀ Ազգային ժողով
