«Ամռանը, երբ այցելեցի Սյունիքի դիրքերից մեկը, տղերքը մի հեռադիտակ ունեին, որի մի աչքը չէր աշխատում»,- այսօր «Սահմանային անկայունություն եւ անվտանգություն» թեմայով քննարկմանը ասաց «Պատիվ ունեմ» խմբակցության քարտուղար Հայկ Մամիջանյանը:
Վարչապետ Փաշինյանը հրավիրած ասուլիսում առաջնագիծը լավ չկահավորելու քննադատությանն ի պատասխան ասել էր, որ զինվորականներին քաղաքականության մեջ էին ներքաշում, դրա համար չեն արել: Մամիջանյանի խոսքով՝ դա անհեթեթ պատճառաբանություն է. «Բոլոր այն բարձրաստիճան զինվորականները, գեներալները, որոնք տիրապետում են Փաշինյանի դավաճանական ապիկար արածներին ու ասում են՝ ինձ հանգիստ թողեք, թե չէ կխոսեմ, պիտի խոսեն, որովհետեւ տոտիկ-տոտիկ Նիկոլ Փաշինյանն իր ապիկարության համար մեղավոր է ճանաչելու նրանց»:
«Հայաստան» խմբակցության պատգամավոր Արթուր Ղազինյանը մատնանշեց թշնամու ձեռնարկած քայլերը այս մեկ տարում՝ կահավորել են, բետոնապատել սահմանագիծը, իսկ մեր իշխանությունները, ըստ նրա, զբաղված էին զազրախոսությամբ:
Կարդացեք նաև
Հռիփսիմե ՋԵԲԵՋՅԱՆ
