Հանրային ծառայությունները կարգավորող հանձնաժողովի այսօրվա նիստում կայացված որոշմամբ՝ «Տաշիր հոլդինգ»-ը ձեռք կբերի Հայաստանի հեռահաղորդակցության օպերատորներից մեկի՝ «Ռոստելեկոմի» 100% բաժնետոմսերը։
Ըստ ՀԾԿՀ որոշման նախագծի, ՌԴ քաղաքացի Արման Հունանյանը եւ «Հայաստանի էլեկտրական ցանցեր» ՓԲԸ-ն Կիպրոսում գրանցել են նոր ընկերություն՝ «Մոլիտրո Հոլդինգս Լիմիթեդ», որն էլ ձեռք է բերում «Ռոստելեկոմի» հայաստանյան դուստր ձեռնարկության միակ բաժնետեր Filor Ventures Limited ընկերության 100 % բաժնեմասը։
Գործարքը գնահատվել է 25 միլիոն դոլար։ Ներդրումային ծրագրերով նախատեսվում է, որ առկա ենթակառուցվածքների պահպանման ծախսերը կկազմեն տարեկան 1,5-1,8 միլիարդ դրամ, առաջիկա հինգ տարում էլ նախատեսվում է ընդհանուր ցանցի զարգացման համար ներդնել 2,5 միլիարդ դրամ։
Նելլի ԲԱԲԱՅԱՆ
