«Ոստիկանությունն ագրեսիվ, բիրտ ուժ է կիրառում։ Ողջ ներքին զորքերը, կարմիր բերետավորները, մարզերի ոստիկանները վայրենու պես հարձակվում են ժողովրդի վրա, հրահանգն է Նիկոլի այսպիսին։ Ամեն ինչ կախված է ժողովրդից։ Ինձ թվում է՝ քիչ է մնացել։ Տեսեք ինչ է կատարվում։ Չեն հասցնում, ո՞ր մեկին բռնեն։ Ժողովուրդը ոտքի է կանգնել, ամեն ինչ հրաշալի է»,-Սայաթ Նովա փողոցում այսօր Նիկոլ Փաշինյանի հրաժարականի պահանջով բողոքի գործողությունների ժամանակ լրագրողների հետ ճեպազրույցում ասաց «Հայաստան» խմբակցության պատգամավոր Իշխան Սաղաթելյանը՝ մեկնաբանելով այսօր բիրտ ուժի կիրառումը խաղաղ ցուցարարների հանդեպ։
«Այլեւս Նիկոլ չկա, նա մնացել է ոստիկանների հույսին, որոնք ես չգիտեմ՝ ում կողմից են ղեկավարվում։ Գնալով հաստատվում է լուրը, որ որոշ օլիգարխներ ոստիկանական գլխարկների տակ մարդիկ ունեն։ Մի մասը պարկեշտ, օրենքով անում է իր գործունեությունը, մյուսն էլ իրեն պահում է այլանդակ, անհասկանալի։ Դեմքերով ֆիքսել եմ՝ ագրեսիվ, սադրիչ են։ Ամեն ինչ ավարտված է, Նիկոլ չկա, առաջիկա ժամերին ամեն ինչը կփաստվի»,-հավելեց Իշխան Սաղաթելյանը։
Քիչ անց երթը նույն փողոցում հանդիպեց Արթուր Վանեցյանի մասնակցությամբ երթին, եւ Վանեցյանը, մոտենալով Սաղաթելյանին, ժպտալով ասաց․ «Վազելով եկա, որ տեսա քեզ էլի բռնում են»։
Երթի մասնակիցների թվում է նաեւ նախկին ոստիկանապետ Վալերի Օսիպյանը։
Կարդացեք նաև
Լուիզա ՍՈՒՔԻԱՍՅԱՆ
հա սեփական փորձից գիտի։ Մարտի 1-ի օլիգարխական զորքերը վկա