Հայաստանի ծանրամարտի հավաքականը Եվրոպայի առաջնության թիմային հաշվարկում երրորդն է: Հավաքականի կազմում հաջողություններ են գրանցել նաև հայկաշենցի Արսեն Մարտիրոսյանը և հայթաղցի Անդրանիկ Կարապետյանը:
Արսեն Մարտիրոսյանը (109 կգ) երկամարտում արժանացել է բրոնզե մեդալի, իսկ Անդրանիկ Կարապետյանը «Փոքր» արծաթե մեդալ է նվաճել:
Գրանցած արդյունքների համար շնորհավորում ենք Հայաստանի ծանրամարտի հավաքականին և նորանոր ձեռքբերումներով ուղեկցվող մրցելույթներ ցանկանում:
Հիշեցնենք, որ պետական բյուջեի ֆինանսավորմամբ իրականացվող Մարզական օբյեկտների շինարարության ծրագրի շրջանակում Արմավիրի մարզի Ջրառատ բնակավայրում ծանրամարտի աշխարհի ու Եվրոպայի չեմպիոն, օլիմպիական խաղերի փոխչեմպիոն Սիմոն Մարտիրոսյանի անվան ծանրամարտի մարզադպրոց է կառուցվում: Այն լավագույն պայմաններ կապահովի մարզի ծանրամարտիկների ֆիզիկական պատրաստվածության համար և կնպաստի մարզաձևի զարգացմանը:
Կարդացեք նաև
Ծրագրի իրականացման համար 2021 թվականին փաստացի հատկացվել է 147 մլն 536․4 հազ․ դրամ, իսկ 2022-ի համար նախատեսված է 394 մլն 348․2 հազ․ դրամ:
Արմավիրի մարզպետարան
