Լրահոս
Օրվա լրահոսը

«Պատմութեան մէջ առաջին անգամ զինուորները թքեցին խաչի եւ հոգեւորականների վրայ». Երուսաղեմի Հայոց Պատրիարքարանի դիվանապետ

Դեկտեմբեր 04,2022 21:20

Մամուլում տեղեկություն էր տարածվել, որ վերջերս Երուսաղեմում իսրայելցի երկու զինվորական հարձակվել են հայ հոգեւորականների վրա եւ թքել նրանցից մեկի ձեռքին գտնող խաչի վրա:

Aravot.am-ը թեմայի վերաբերյալ մեկնաբանություն խնդրեց Երուսաղեմի Հայոց Պատրիարքարանի դիվանապետ Հայր Կորյուն վարդապետ Բաղդասարյանից, խնդրեցինք ներկայացնել, թե ինչպես է պատահել դեպքը եւ ինչ է հետեւել կատարվածին::

«Դէպքը տեղի ունեցել նոյեմբերի 7-ին, Խաչի տօնի օրը: Սրբոց Յակոբեանց միաբանութիւնը՝ հանդիսապետութեամբ լուսարարապետ Սեւան արք. Ղարիպեանի, վերադառնում էր Սուրբ Յարութեան տաճարից Հայկական թաղամաս: Ճանապարհին, պատմութեան մէջ առաջին անգամ, զինուորները թքեցին խաչի եւ հոգեւորականների վրայ: Յաջորդ օրը բողոք ներկայացրեցինք ոստիկանութիւնում:

Նոյեմբերի 27-ին հրեական «Հաարեց» թերթը անդրադարձել էր այս դէպքին: Նոյեմբերի 28-ին հրեական 11-րդ ալիքը անդրադարձաւ այս դէպքին: Նոյեմբերի 29-ին «Հաարեց» թերթը կրկին անդրադարձել էր դէպքին եւ տեղեկացել, որ զինուորները դատապարտուել են 28 օրեայ բանտարկութեան»,-նշեց Հայր Սուրբը:

Գոհար ՀԱԿՈԲՅԱՆ

Հայր Կորյուն վարդապետ Բաղդասարյանի լուսանկարը՝ ֆեյսբուքյան էջից

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2022
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031