ՀՀ դիմումի հիման վրա կայացած՝ Լաչինի միջանցքում ստեղծված իրավիճակի վերաբերյալ ՄԱԿ-ի անվտանգության խորհրդի նիստում Գանան 4 հայտարարություն հրապարակեց․
-Կողմերին կոչ ենք անում նվազեցնել լարվածությունը եւ ձեռնպահ մնալ միակողմանի գործողություններից, բորբոքող հռետորաբանությունից, որը նախկինում հեշտությամբ վերածվել է ռազմական գործողությունների։
-Պետական մարմինները պետք է ձգտեն հրադադարի հասնել երկխոսության միջոցով։ Համայնքները հավասարապես պետք է հանձնառու լինեն հաղթահարելու ԼՂ հակամարտության հետ կապված ցանկացած տարաձայնություն։
-Քաղաքացիական հասարակությանը կոչ ենք անում աջակցել խաղաղության գործընթացին։
Կարդացեք նաև
-Կողմերին կեչ ենք անում հանձնառու լինել եռակողմ հայտարարության դրույթներին։ Բոլոր կողմերը պարտավոր են ապահովել իրենց պարտականությունների շարունակականությունը՝ այդ թվում Լաչինի միջանցքի առնչությամբ։
ՄԱԿ-ում Գանայի ներկայացուցիչը նշեց․ «Կարեւոր է նաեւ, որ սահմանագծման եւ սահմանազատման գործընթացն իրականացվի միջազգային նորմերի եւ ՄԱԿ-ի կանոնադրության հիման վրա՝ հաշվի առնելով տարածքային ամբողջականության փոխադարձ ճանաչումը, ուժի եւ ուժի սպառնալիքի բացառումը։ Երկու կողմերին կոչ ենք անում բաց մնալ միջնորդական բոլոր ջանքերի համար։ Կողմերը պետք է բացառեն այն գործողությունները, որոնք խախտում են մարդկանց հիմնարար իրավունքները։ Լաչինի միջանցքի ցանկացած արգելափակում պետք է լուծվի որպես հրատապ խնդիր»։
Լուիզա ՍՈՒՔԻԱՍՅԱՆ
