Ձմեռային օլիմպիական խաղերի 100-ամյա հոբելյանին, որը լրանում է 2024 թվականին, մարզաշխարհը մոտենում է ապագայի նկատմամբ մեծ անհանգստությամբ։
Վերջերս Մումբայում կայացած ՄՕԿ համաժողովում հայտարարվել է, որ 30 տարի հետո Սպիտակ օլիմպիական խաղեր անցկացնելու հնարավորություն ունեցող երկրների քանակը կկրճատվի մինչեւ 10-12 երկիր, իսկ արեւմտյան լրատվամիջոցները այսօր արդեն հեղեղված են ապոկալիպտիկ կանխատեսումներով։ Ավելին, ԶԼՄ-ները մտահոգություն են հայտնում, որ արդեն 2026 թվականի ձմեռային օլիմպիական խաղերը Միլոնում, կարող է վերջինը լինել։
Արդյո՞ք այդքան չարագուշակ է Ձմեռային օլիմպիական խաղերի ապագան։ ՄՕԿ-ի ներկայիս գնահատականներով, ամենայն հավանականությամբ՝ այո։ Պատճառը կլիմայի գլոբալ տաքացումն է։ Եվ ՄՕԿ-ի նախագահ Թոմաս Բախն ու նրա համախոհները հայտարարում են, որ սպորտը պարտավոր է իր ներդրումն ունենալ ջերմոցային էֆեկտը չեզոքացնելու պայքարում։ Սակայն մասնագետները կարծում են, որ դժվար թե նրանց հաջողվի իրավիճակը 180 աստիճան շրջել եւ կանգնեցնել գլոբալ տաքացման ընթացքը։
Աշոտ ՀԱԿՈԲՅԱՆ
