«Մենք հունիսի 9-ին կներկայացնենք ամբողջ նպատակը, ամբողջ քայլերը. ինչպե ՞ս ենք անելու, ե՞րբ, ի՞նչ միջոցներով, ի՞նչ մեթոդներով»,- Սուրբ Աննա եկեղեցու բակում, լրագրողների հետ զրույցում ասաց «Տավուշը հանուն հայրենիքի» շարժման առաջնորդ Բագրատ Սրբազանը՝ հավելելով, որ անցումային կառավարության կազմը դեռ չեն ներկայացնի. դեռ կազմավորվում է:
«Նախորդ օրը հայտարարեցի՝ տեսաք, թե ի՞նչ է տեղի ունենում. մարդիկ շեղվում են եւ սկսում են կազմի անդամներին քննադատել: Ամբողջ այս ճշմարտության շարժումը մի կողմ, իմ անձը մի կողմ՝ քննարկելու առումով, դրա համար պետք չէ, որ մենք գաղափարական դաշտից դուրս գանք»,-ասաց նա՝ հավելելով, որ այս իշխանությանը հեռացնելը եւ ճշմարտության հաղթանակի ծրագիրը մնում է ուժի մեջ:
Այսօր ունեցած իր հանդիպումների մասին սրբազանը չցանկացավ տեղեկություններ տալ. ասաց՝ փակ էին դրանք, բայց կարեւոր ու լավ հանդիպումներ էին:
Անդրադառնալով «Շողակաթ» հեռուստաընկերությունը փակելու մասին իշխանական պատգամավորների հայտարարություններին էլ, սրբազանն ասաց՝ փակում են, որ իրենց փողոցային ու ստախոս հաղորդումները ցույց տան. «Քանի որ ուրիշ ասելու եւ անելու բան չունեն այս մարդիկ, ոչնչացած են բառիս բուն իմաստով, ինչ են ուզում անել, ուզում են վախեցնել:
Կարդացեք նաև
«Շողակաթ» հեռուստաընկերությունը փակում են, որ իրենց փողոցային ու ստախոս հաղորդումները ցույց տան, դրա համար չէ՞։ Ինչպիսի քարոզչություն անում են, այդպիսինն էլ էկրաններից են ուզում ցույց տալ։ «Շողակաթ»-ը բարձրագույն որակով, հոգեւոր, մշակութային, արժեքային դաշտում մարդկանց հետ խոսող հեռուստաընկերություն է, իրենք ինչպիսի քարոզչություն անում են, ուզում են, որ հեռուստաէկրանից էլ տարածվի»:
Նելլի ԳՐԻԳՈՐՅԱՆ
Լուսանկարը` «Տավուշը հանուն հայրենիքի» ֆեյսբուքյան էջից
