Վերջերս լուրեր էին տարածվել, թե դերասան Բաբկեն Չոբանյանի «Թույլ օղակ» հեռուստանախագիծն այլեւս չի լինելու Հ1-ի եթերում, եւ պատճառն այն է, որ դերասանը ֆեյսբուքի իր էջում քննադատել է վարչապետ Նիկոլ Փաշինյանին:
Aravot.am-ը գրավոր հարցում էր ուղարկել Հանրայինին, հետաքրքրվել էինք՝ արդյոք Բաբկեն Չոբանյանն աշխատանքից ազատվել է, իսկ «Թույլ օղակը» փակվել է, որովհետեւ նա քննադատել է Փաշինյանին:
Հանրայինից գրավոր պատասխանել են, որ «Թույլ օղակը» տեղափոխվել է գարնանային եթերաշրջան, եւ նման որոշում է կայացվել ամիսներ առաջ՝ եթերաշրջանի պլանավորման ընթացքում: Նշել են նաեւ, որ հաղորդումը կցուցադրվի 2025-ին:
«Հաշվի առնելով մեր սահմանված ընթացակարգերը եւ եթերաշրջանի նախապատրաստական աշխատանքների առանձնահատկությունները՝ նախքան եթերաշրջանի մեկնարկը այլ մանրամասներ չենք կարող տրամադրել»,-ասված է Հանրայինի պատասխանում;
Կարդացեք նաև
Գոհար ՀԱԿՈԲՅԱՆ
