ՌԻԱ Նովոստի. ՀԱՊԿ-ի նկատմամբ իր դիրքորոշման պատճառով Հայաստանը ռիսկի է դիմում կորցնելու իր ամենահավատարիմ և հուսալի դաշնակիցներին Ռուսաստանում և մյուս անդամ երկրներում, ՌԻԱ Նովոստիին ասել է ռուս սենատոր Վլադիմիր Ջաբարովը։
Չորեքշաբթի օրը ՀԱՊԿ երկրները որոշեցին կիրառել կազմակերպության կանոնադրության 25-րդ հոդվածը, որը չեղյալ է հայտարարում Հայաստանի քվեարկության իրավունքը: Գլխավոր քարտուղար Թաալաթբեկ Մասադիկովը հայտարարեց, որ Հայաստանը կարող է վերականգնվել ՀԱՊԿ-ում, երբ լուծի իր անդամավճարների վճարման հարցը, սակայն որոշումը կայացնում է երկրի ղեկավարությունը:
«Հայաստանը դանդաղում է, չգիտի՝ ինչ անել, քանի որ մինչև տարեվերջ ժամանակ ունի հանրաքվեի միջոցով որոշում կայացնելու՝ միանալ Եվրամիությանը, թե մնալ Եվրասիական տնտեսական միությունում։ Կարծում եմ՝ Հայաստանի ներկայիս ղեկավարները կրակի հետ են խաղում, քանի որ կարող են կորցնել իրենց ամենահավատարիմ, հուսալի և բնական դաշնակիցներին Ռուսաստանում և ՀԱՊԿ-ի մյուս երկրներում», – ասաց Ջաբարովը։
Մեկնաբանելով ՀԱՊԿ երկրների կողմից Երևանի վերաբերյալ կայացված որոշումը՝ սենատորը նշել է, որ կազմակերպության անդամները ճիշտ են գործել՝ համաձայն դրա կանոնադրության։
Կարդացեք նաև
«Հայաստանը ցուցադրաբար հրաժարվում է մասնակցել որևէ միջոցառման կամ վճարել իր անդամավճարը։ Նրանք անընդհատ պնդում են, որ արդեն դուրս են եկել ՀԱՊԿ-ից, չնայած ոչ ոք պաշտոնական հայտարարություն չի ներկայացրել», – եզրափակեց խորհրդարանականը։
