«Արցախի հարցը լուծված չէ, սա պաթոս չէ, ուղղակի հայտարարություն չէ, սա փաստում են նաեւ եվրոպացի դիվանագետները՝ անգամ 44-օրյա պատերազմի ավարտից հետո»,- լրագրողների հետ զրույցում ասաց ՀՀԿ փոխնախագահ Արմեն Աշոտյանը։
Արմեն Աշոտյանը պնդում է՝ արցախցիների վերադարձի հարցը հայկական դիվանագիտական եւ քաղաքական զինանոցից չի կարելի հանել․ «ՀՀ ոչ մի վարչապետ, ոչ մի Նիկոլ Փաշինյան չեն կարող աճուրդի հանել արցախահայերի իրավունքները»։
Արմեն Աշոտյանը նաեւ համարում է, որ՝ «կամ հիվանդ պիտի լինես, կամ կատարյալ անբարոյական, որ այն, ինչ հիմա կատարվում է՝ խաղաղություն անվանես»։
Հարցին՝ ԱՄՆ-ը կարո՞ղ է Հայաստանի եւ Ադրբեջանի միջեւ հարաբերությունների կարգավորման՝ արցախահայերի վերադարձի պայմանով, միջնորդ լինել, Արմեն Աշոտյանը պատասխանեց, որ թե ԱՄՆ-ը, թե ԵՄ-ն կարող են, միայն պետք է ՀՀ-ի կողմից նման խնդիր դրվի նրանց առջեւ․ «ԱՄՆ-ի առջեւ այս պահին Հայաստանը միայն տնտեսական ծրագրեր է դրել։ Եթե հայ ռազմագերիների գոնե մի մասի վերադարձի հարցը Հայաստանը դներ Թրամփի առջեւ, վստահ եմ, որ այդ մարդը կլուծեր այն»։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ


















































