ԱԳ նախարար Արարատ Միրզոյանն այսօր կրկին անդրադարձել է իր՝ ԱԱԾ գործակալ լինելու մասին տարիներ առաջ հրապարակված փաստաթղթին ու խոստովանել, որ ընդդիմադիր գործիչ եղած տարիներին ՀՀ ԱԱԾ-ի հետ իսկապես մի տեւական ժամանակ համագործակցել է:
-Շատ որոշակի տարեթվի ՀՀ Ազգային անվտանգության ծառայությունն ինձ, որպես որոշակի կոնկրետ ոլորտում փորձագետի, դիմել է օգնության համար: Այսինքն` փորձագիտական աջակցության, լինելով խիստ ընդդիմադիր ու ակտիվ քաղաքացի՝ համարել եմ՝ սա իշխանությունների մասին չէ, ՀՀ մասին է: Հարցն էլ որտեղ իմ աջակցությունն են խնդրում, բավականին ծանրակշիռ հարց է, համաձայնություն եմ հայտնել մասնագիտական առումով օգտակար լինել,-այսօր ԱԺ-ում լրագրողների հետ ճեպազրույցում պարզաբանեց նախարարը:
Կարդացեք նաև
Լրագրողի հարցին՝ դա արդյոք նշանակում է գործակալ լինել, Միրզոյանը պատասխանեց՝ չգիտեմ ինչ է նշանակում. «Կարծում եմ՝ եթե հավաքագրված են, դա է գործակալը»:
Արփինե ՍԻՄՈՆՅԱՆ
