ՀՀ սփյուռքի գործերի գլխավոր հանձնակատար Զարեհ Սինանյանը մայիսի 28-ին ՀՀ նախագահի նստավայրում ներկա է գտնվել Հանրապետության տոնի առթիվ կազմակերպված պարգևատրման հանդիսավոր արարողությանը։
Միջոցառման ընթացքում ՀՀ նախագահ Վահագն Խաչատուրյանի հրամանագրերով Հանրապետության տոնի առթիվ մի խումբ քաղաքացիներ արժանացել են պետական բարձր պարգևների, այդ թվում՝ սփյուռքահայ գործիչներ՝ Մարսելի Սրբոց Թարգմանչաց Մայր եկեղեցուն կից Խաչատուր Աբովյանի անվան դպրոցի հոգաբարձուների խորհրդի նախագահ Կարեն Խուրշուդյանը և Լեհաստանի Հանրապետության կառավարության և ազգային ու էթնիկ փոքրամասնությունների համատեղ հանձնաժողովում հայ փոքրամասնության ներկայացուցիչ, Լեհաստանի Հանրապետությունում Հայաստանի Հանրապետության պատվավոր հյուպատոս, 2026 թվականից Jagiellonian University-ում գործող Սադոկ Բարոնչի անվան լեհահայերի պատմության հետազոտական կենտրոնի խորհրդի նախագահ, Հայ-լեհական հասարակական կոմիտեի նախագահ Հրաչյա Բոյաջյանը։
ՀՀ նախագահը նրանց պարգևատրել է Երախտագիտության մեդալով։
Միջոցառմանը ներկա են եղել ՀՀ վարչապետ Նիկոլ Փաշինյանը, Ազգային ժողովի նախագահ Ալեն Սիմոնյանը, բարձրաստիճան պաշտոնյաներ, դիվանագիտական կորպուսի ներկայացուցիչներ և հյուրեր։
Կարդացեք նաև
Ողջունելով ներկաներին՝ նախագահ Խաչատուրյանը Հանրապետության տոնի առթիվ շնորհավորել է ներկաներին՝ բարձր գնահատելով պարգևների արժանացած քաղաքացիների ներդրումն ու ծառայությունները հայրենիքի զարգացման գործում։
Սփյուռքի գլխավոր հանձնակատարի գրասենյակ
