«Մեկ շաբաթ հետո ՀՀ քաղաքացին որոշելու է իր ճակատագիրը: Հայ մարդու եւ մեր պետականության ճակատագիրը չի որոշվում ո՛չ Մոսկվայում, ո՛չ՝ Վաշինգտոնում, ո՛չ՝ Բրյուսելում, ո՛չ էլ մեկ այլ մայրաքաղաքում, որոշվում է Հայաստանում: Մենք տեր ենք մեր ճակատագրին»,- այսօր Ազատության հրապարակում հանրահավաքի ժամանակ հայտարարեց «Հայաստան» դաշինքի պատգամավորի թեկնածու Իշխան Սաղաթելյանը:
Նա դիմեց նաեւ այն քաղաքացիներին, որոնք դեռ մտադրություն ունեն Նիկոլ Փաշինյանի օգտին քվեարկելու. «Դու՝ ընտրելով Նիկոլ Փաշինյանին, օգնում ես նրան, որ ՀՀ-ից Ադրբեջանին հանձնի նոր տարածքներ, քվեարկելով Նիկոլ Փաշինյանին՝ մասնակից ես դառնում նրա հարձակմանը եւ պղծմանը Հայ Առաքելական եկեղեցուն, քվեարկելով Նիկոլ Փաշինյանին՝ օժանդակում ես նրան եւ Ալիեւին, որ 300.000 ադրբեջանցիները բնակեցնեն ՀՀ-ում, քվեարկելով Նիկոլ Փաշինյանին՝ օգնում ես, որ այս երկրում լինի մեկ անձի իշխանություն, քվեարկելով այդ չարիքին՝ սպառնալիքը չեզոքացնելու փոխարեն ստեղծում ես նոր սպառնալիք մեր ժողովրդին նոր փորձության տանելու համար: Դու օգնում ես, որ մեր երկրում ծաղկի ու տարածվի խաղամոլությունն ու թմրամոլությունը»:
Կարդացեք նաև
Ըստ Սաղաթելյանի՝ հունիսի 7-ը իշխանափոխության օր է, «Հունիսի 7-ը Նիկոլին վռնդելու օր է, հունիսի 7-ը ՔՊ-ին պատմական աղբաման նետելու օր է»:
Արփինե ՍԻՄՈՆՅԱՆ
