«Այս գործին շատ վաղուց եմ ծանոթ, 2019-ից է այս գործը։ 7 տարի, չգիտես՝ ինչու, ոչ մի հանցակազմ չէին տեսնում, հիմա մի օրում տեսան։ Պարզապես ծիծաղելի է։ Եթե այն, ինչ նկարագրված է մեղադրանքի որոշման մեջ, ճիշտ է, ապա Արմենին պիտի դրա համար մեդալ տային, այլ ոչ թե քրեական պատասխանատվության ենթարկեին։ Նա բուհի շատ կարևոր խնդիր է լուծել, որ մի կոպեկ չի ստացել, ոչ մի բան չի արել, եթե ինչ-որ գործարքներ են եղել, գումարներն ամբողջությամբ փոխանցվել են պետական բյուջե»,- այսօր լրագրողների հետ զրույցում ասաց ՀՀԿ փոխնախագահ Արմեն Աշոտյանի փաստաբանական թիմից փաստաբան Տիգրան Աթանեսյանը։
Հիշեցնենք, որ այսօր նախկին պաշտոնյաների թվում ձերբակալվել էր նաև Արմեն Աշոտյանը։ Վարույթ իրականացնող մարմինը նրան կալանավորելու միջնորդություն է ներկայացրել դատարան։ Դատարանը մինչ այս պահը քննում է նրան կալանավորելու միջնորդությունը։
«Եթե այս պայմաններում հանցանք են տեսնում, նման է անեկդոտի՝ ապացուցիր, որ դու ուղտ չես։ Դասական քաղաքական հետապնդում է, մենք Հայաստանում քաղաքական հետապնդումներին սովոր ենք։ Արմենն այս դրվագում չափազանց, նույնիսկ անշնորհքության աստիճանի անմեղ է»,- հավելեց փաստաբանը։
Կարդացեք նաև
Արփինե ՍԻՄՈՆՅԱՆ
