ԱԺ «Քաղաքացիական պայմանագիր» խմբակցությունը Արտաքին հարաբերությունների մշտական հանձնաժողովի նախագահի պաշտոնի համար դարձյալ առաջադրել է Սարգիս Խանդանյանի թեկնածությունը։
ԱԺ նիստում «Ուժեղ Հայաստան» խմբակցության ղեկավար Նարեկ Կարապետյանը հարցրեց Խանդանյանին․ «Ի՞նչ նախապայմաններ է դրել Թուրքիայի Հանրապետությունը Հայաստանի Հանրապետության առջեւ՝ սահմանները բացելու համար։ Արդյոք նախապայմանների մեջ կա՞ Ցեղասպանության պետականորեն ճանաչման հարցի առաջ չքաշելը։ Եվ կա՞ մեր ազգային խորհրդանիշ, մեր զինանշանի կենտրոնում պատկերված Արարատ լեռը խորհրդանիշային բազայից հանելու հարցը»։
Ի պատասխան՝ Սարգիս Խանդանյանն ասաց, որ Հայաստան-Թուրքիա կարգավորման գործընթացն իրականացվում է առանց նախապայմանների։ «Այսինքն՝ հատուկ ներկայացուցիչները պարտավորվել են, որ գործընթացի կարգավորման ընթացքում նախապայմաններ առաջ չեն քաշվելու։ Եվ ձեր նշված երկու հարցերը, ոչ, բանակցությունների որեւէ փուլում նման պահանջ, նման ակնարկ Թուրքիայի ներկայացուցիչների կողմից երբեւէ չի եղել»։
«Ինչ վերաբերում է Ցեղասպանության հարցին՝ որպես մեր արտաքին առաջնահերթություն, ոչ, ՀՀ-ի համար Հայոց ցեղսպանության միջազգային ճանաչումը արտաքին քաղաքականության առաջնահերթություն չէ։ Եվ այս մասին բազմաթիվ անգամ խոսել ենք»,- հավելեց Խանդանյանը։
Կարդացեք նաև
Ամբողջական տեսանյութը՝ այստեղ.
Ռոզա ՀՈՎՀԱՆՆԻՍՅԱՆ
