«Հրապարակի» զրուցակիցը նախկին վարչապետ Խոսրով Հարությունյանն է:
– Ադրբեջանական կողմը TRIPP-ի երթուղու մասով ամենաշահագրգռվածն է: Նա իր ճանապարհի հատվածը կառուցել, գրեթե ավարտին է հասցրել, սակայն Հայաստանն ու ԱՄՆ-ն պրոցեսը կարծես սառեցրել են, եւ մեկ տարի է՝ տեսանելի գործընթաց չկա: Ինչո՞ւ:
– Այնպես չէ, որ ԱՄՆ-ն քայլեր չի անում: TRIPP-ի ղեկավար են նշանակել, ներդրումներ են կատարել: Մենք քննադատում ենք սովորաբար TRIPP-ը, ասում ենք, որ այն մեզ ոչինչ չի տալիս, բայց, ցավալիորեն, հանրային գիտակցության մեջ ոչ ոք չի փորձում ազդել այն տեսակետի վրա, որ չկա այլընտրանք, իրականում կա այլընտրանք` Բաքու-Ղազախ-Իջեւան-Դիլիջան-Վանաձոր-Գյումրի-Ղարս, այլընտրանքը սա է: Ի դեպ, Բաքվից Սյունիքով դեպի Ղարս շատ ավելի հեռու է՝ մոտ 290 կիլոմետրով, սակայն այս մասին ոչ ոք չի խոսում, ո՛չ կառավարությունն է խոսում, ո՛չ քաղաքական գործիչներն են խոսում, ո՛չ էլ անգամ ԶԼՄ-ները: Եթե մենք այլընտրանքի մասին չենք խոսում կամ քիչ ենք խոսում, հանրությունը սկսում է մտածել, որ եթե չկա այլընտրանք, ուրեմն ստիպված պիտի TRIPP-ն ընդունենք:
Հայկ ԳԵՎՈՐԳՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
