«Եթե խաղաղություն է, ո՞նց է ՄԱԿ-ի ամբիոնից Բայրամովը հայտարարում, որ «արեւմտյան Ադրբեջան պետք է վերադառնան»։ Եթե խաղաղություն է, ինչո՞ւ մեր գերիները մեզ մոտ չեն եւ Բաքվի բանտում են»,- Եռաբլուր զինվորական պանթեոնում լրագրողների հետ զրույցում ասաց 44-օրյա պատերազմի հերոս Հակոբ Ռոստոմյանի հոր՝ «Որդիների կանչ» ՀԿ հիմնադիր անդամ Արա Ռոստոմյանը՝ անդրադառնալով ՀՀ իշխանությունների հայտարարություններին, թե խաղաղություն է հաստատվել։
Նա նշեց, որ պարտված ղեկավարն ուղղակի պետք է հեռանար եւ իշխանության գային ազգային ուժեր, որոնք եղածը կպահեին եւ կորցրածը հետ կբերեին։
Մանրամասները՝ տեսանյութում
Կարդացեք նաև
Արա Ռոստոմյանի խոսքով՝ միակողմանի խաղաղություն երբեք չի լինում։ «Եթե խաղաղություն լիներ, նոյեմբերի 9-ից հետո ինչ ստորագրվել էր, հենց այդ պայմաններով էլ մի քանի օր հետո խաղաղության պայմանագիրը կկնքեին, որից հետո կսկսեին սահմանազատումն ու սահմանագծումը, ոչ թե անընդհատ տարածքներ կհանձնեին։ Դեռ երկար ժամանակ խաղաղություն չի լինի, Հայաստանը դեռ իր տարածքներից կամաց-կամաց կզիջի։ Չգիտեմ՝ կռիվ կլինի, թե ոչ, Ալիեւը համենայնդեպս խաղաղության չի գնում»,- հավելեց նա։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
