Նոյեմբերյան-Իջեւան ճանապարհը թեեւ երթեւեկելի, սակայն սառած եւ վտանգավոր է: Հունվարի 31-ին ժամը 15-ի սահմաններում Սարիգյուղի մուտքի մոտ կանգնած էր վրացական համարանիշներով բեռնատար, որը սահելով` ճանապարհից դուրս էր ընկել: Վրացի վարորդ Թամազն ասաց,որ մեկուկես ժամ այդտեղ «լռված է» : Նա Փոթիից 15 տոննա սանտեխնիկա էր տեղափոխում Երեւան: Կիրանց-Ոսկեպար շրջանցիկ ճանապարհում Ոսկեպարի տրակտորիստները անիվներին շղթա հագցրած «Բելոռուսների» միջոցով քարշում էին այն մեքենաներին, որոնք լռվել-մնացել էին: Ճնապարհը սառած եւ վտանգավոր էր նաեւ Իջեւան քաղաքում: Հունվարի 31-ին ժամը 15-ն անց 50-ի սահմաններում Իջեւան քաղաքի Երեւանյան փողոցում «Ժիգուլին» բախվել է «Վորլդ Վիժն» կազմակերպության «Նիվայի» հետնամասին:
Ոսկան Սարգսյան
