Թուրքական «Zaman» թերթի արտաքին քաղաքական նորությունների խմբագիր Մուստաֆա Էդիբ Յըլմազը «Առավոտ»-ի հետ զրույցում, անդրադառնալով Հայաստան-Թուրքիա հարաբերություններում ադրբեջանական գործոնին, Թուրքիայի իշխանությունների նկատմամբ Ադրբեջանի իշխանությունների կողմից պահանջկոտ հայտարարություններին եւ հարցին, թե որքա՞ն է Թուրքիայի կախվածությունը ադրբեջանական գործոնից, նկատեց, որ Ադրբեջանն այսօր ամեն ինչ փորձում է անել, որպեսզի՝ «Հայաստանին ավելի սեղմած պահի»:
«Ադրբեջանը իր բոլոր գործողություններով փորձում է մեկուսացնել Հայաստանը ե՛ւ արեւմուտքից, ե՛ւ արեւելքից: Նրանց մտածելակերպն այսպիսին է, որ այդ քաղաքականությունն ի վերջո այնքան կթուլացնի Հայաստանը, որ Հայաստանն այլեւս ելք չի ունենա եւ տեղի կտա Ադրբեջանի պահանջներին: Բնականաբար, Ադրբեջանն վարում է նման քաղաքականություն, բոլոր լծակներն ու հնարավորություններն է օգտագործում՝ այդ քաղաքականությունը առաջ մղելու համար: Արդյունքում՝ ունեն քաղաքականություն, այդ քաղաքականությունը իրականացնելու գործիքներ եւ իրականացնում են դա», -ասաց Մուստաֆա Էդիբ Յըլմազը:
Էմմա ԳԱԲՐԻԵԼՅԱՆ
Կարդացեք նաև
Թուրքական «Zaman» թերթի արտաքին քաղաքական նորությունների խմբագիր Մուստաֆա Էդիբ Յըլմազի հետ հարցազրույցն ամբողջությամբ կարող եք կարդալ վաղվա տպագիր «Առավոտ»-ում:
