«Եվրոմայդան»-ի ցուցարարները գյուղատնտեսության նախարարության գույքին մոտ 1 միլիոն հրիվնայի (գրեթե 48 միլիոն դրամ) վնաս են հասցրել, հայտնել են նախարարությունից: Փոխանցում է ուկրաինական «Ինտերֆաքս»-ը:
«Ցուցարարները իրենց հետևից թողել են կոտրված պատուհաններ, ջարդված կահույք, բավականին շատ կեղտ և աղբ: Այժմ նախարարության շենքում վերականգնողական աշխատանքներ են տարվում… Ընդհանուր առմամբ, շենքի գրավվման պատճառով ցուցարարների հասցրած վնասը կազմում է 1 միլիոն հրիվնա», – ասվում է գյուղատնտեսության նախարարության հաղորդագրության մեջ:
Նաև նշվում է, որ վնասվել են նախարարության անձնակազմին, գյուղատնտեսության համալսարանների աշխատակիցներին և ուսանողներին աշխատավարձ և թոշակ վճարելու ծրագրային ապահովումներն ու սերվերը:
Հունվարի 29-ին համաձայնություն էր ձեռք բերվել, որ ակտիվիստները լքեն նախարարության շենքը, այն գրավվել էր հունվարի 23-ի լույս 24-ի գիշերը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
