Մարտի 30-ին Կիևի Անկախության հրապարակում հազարավոր մարդիկ էին հավաքվել Մայդանում զոհվածների քառասունքի կապակցությամբ:
Հայկական սփյուռքի ներկայացուցիչները և ուկրաինացիները մոմավառությամբ հարգել են նաև Սերգեյ Նիգոյանի հիշատակը: Հաղորդում է «Ասպեկտի» լրատվականը:
Միջոցառմանը ներկա էր նաև Ուկրաինայում Հայաստանի դեսպան Անդրանիկ Մանուկյանը, որը հայտնել է, որ Նիգոյանը գիտեր ինչի համար է զոհվում.
«Նա գիտեր ուր էր գնում, նա պայքարում էր Ուկրաինայի ազատության համար», – ասել է Մանուկյանը՝ նշելով, որ ինչպես Նիգոյանը բոլոր հայերը, որոնք ապրում են Ուկրաինայի տարածքում նույնպես կանգնած են ուկրաինացիների կողքին, – «Նրանք բոլորն ուզում են Ուկրաինան ազատ լինի, նրանք բոլորն ուկրաինացի ժողովրդի հետ են, նրանք ուկրաինացիներին համարում են եղբայրական ժողովուրդ և պատրաստ են Ուկրաինայի ազատության համար մինչև վերջ կանգնել նրանց կողքին»:
Կարդացեք նաև
22-ամյա Սերգեյ Նիգոյանը Կիևում տեղի ունեցած բախումների առաջին զոհն էր, նա մահացել է 2014թ. հունվարի 22-ին:
Պատրաստեց Հովհաննես ԻՇԽԱՆՅԱՆԸ
