Ավարտական փուլում է պետական բյուջեից աշխատավարձերի յուրացման վերաբերյալ դատական կարգադրիչների գործով նախաքննությունը: Ներկայումս կատարվում են մեղադրյալների մեղադրանքի ծավալի փոփոխության ու համապատասխանեցման, ձևակերպումների ճշգրտման տեխնիկական բնույթի աշխատանքներ:
Գործի շրջանակներում փոփոխություն է տեղի ունեցել, մասնավորապես, «ՀՀ դատական դեպարտամենտ» պետական կառավարչական հիմնարկի նախկին ղեկավար Միսակ Մարտիրոսյանի մեղադրանքի ծավալում՝ խարդախության մեղադրանքը փոխարինվել է յուրացման և վատնման մեղադրանքով, իսկ Միսակ Մարտիրոսյանին առաջադրված աշխատանքի ընդունելու համար խոշոր չափերի կաշառք ստանալու մեղադրանքը մնացել է անփոփոխ:
«Փաստինֆո»-ի ունեցած հավաստի տեղեկություններով, դատական կարգադրիչների գործով որպես մեղադրյալ ներգրավված են 24 անձինք, որոնցից 7-ը կալանքի տակ են, մյուսների նկատմամբ խափանման միջոց է ընտրվել չհեռանալու ստորագրությունը կամ կիրառվել է գրավ՝ որպես այլընտրանքային խափանման միջոց:
Կարդացեք նաև
Մանրամասները կարող եք կարդալ` «Փաստինֆո»-ի կայքում:
